منتدى العالم افقر من ان يعطينا
منتدى العالم افقر من ان يعطينا
منتدى العالم افقر من ان يعطينا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى العالم افقر من ان يعطينا

منتدى العالم افقر من ان يعطينا
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 مين غلطان فينا لـ مايكل سامي

اذهب الى الأسفل 
كاتب الموضوعرسالة
Dima 93




عدد المساهمات : 54
تاريخ التسجيل : 02/07/2012

مين غلطان فينا لـ مايكل سامي  Empty
مُساهمةموضوع: مين غلطان فينا لـ مايكل سامي    مين غلطان فينا لـ مايكل سامي  I_icon_minitimeالثلاثاء يوليو 24, 2012 4:21 pm

مين غلطان فينا لـ مايكل سامي

انا بقي هحكيلكم حكايتي
انا كنت بحب مجنون .. واحد مجنون في تصرفاته ومجنون في مشاعره ومجنون في كل حاجه هو بيعملها
انا عاشقه لجنونه
مخبيش عليكم انا كمان مجنونه زيه

لكن للأسف فينا مشكلة كبيرة جدا
ايوه عارفه انها مشكلة كبيرة ومع ذلك للأسف بنكررها

وهي من اقل خناقه نزعل ونقول خلاص كده موضوعنا انتهي ومنكلمش بعض بالأيام
كل واحد بيتقل ومستني التاني اللي يصالحه
مرة انا اتنازل ومرة هو يتنازل واهي الدنيا بتمشي

المهم في مرة اتخانقنا وكل واحد فضل ماسك في كلمته ومش راضي يبدأ صلح للتاني

فضلنا كده يوم اتنين تلاته دخلنا في اسبوع اتنين

بجد حسيت اني مش غالية عنده علي الرغم انه كان هو اللي مزعلني
وبعد اسبوعين لسه فاكر يكلمني
قولتله اللي يستغني عن حبيبه يوم يستغني عنه العمر كله
فضل يتأسف ويقولي حقك عليا انا كنت تعبان نفسيا ومش بكلم حد ومشاكل في البيت و .. و .. و ..

انا كنت ممكن اسامحه بس مكنش عاجبني الطبع الهباب اللي كان فينا ده .. من اقل حاجه نزعل وننهي موضوعنا .. وبردو للأسف انا اللي عودته علي كده

خفت لما نتخطب يقلعلي الدبله .. ومنكرش اني كنت بعامله بنفس الطريقه وهو كمان كان خايف لما نزعل اقلعله الدبله



مش عارفه هل ده هيكون طابعي مع اي حد افكر ارتبط بيه ولا علشان انا وهو مجانين فدي طريقتنا في التعامل

المهم نهيت معاه كل حاجه بجد
فات شهر والتاني وحسيت بفراغ عاطفي كبير جدا
هو حاول اكتر من مرة يصالحني بس انا كنت بصده

لحد مابدأت اضعف لنظرات زميلي اللي في الشغل
مانا حاسه بفراغ
نظرة في نظرة وكلمة في كلمة بدأنا نتكلم ..
وبقينا بنتكلم في التليفون بالساعات
حسيته هروب من الفراغ اكتر ماهو اعجاب او تعلق بيه
وفي مرة بعد الشغل اصر انه يوصلني علشان محدش يضايقني
واحنا ماشيين مع بعض شافني ريمون حبيبي الأولاني والدم فار في عروقه
وجالي وزعقلي في الشارع وبيقولي انت مش بتردي علي التليفونات بتاعتي ليه ... وعمال يزعق وعنيه بيطق منها الغيره
راح فادي صاحبي في الشغل اللي كان موصلني قاله انت بتكلمها كده ليه
رد ريمون وقاله وانت مالك انت .. وتطلع مين انت اصلا
راح فادي قاله انا هعرفك اطلع مين
وياعيني مسك ريمون واداله علقة نصها موت وانا مش عارفه اعمل ايه
فضحوني في الشارع الاتنين فخدت بعضي وركبت تاكسي ومشيت وسبتهم

واهو دلوقتي ريمون في المستشفي وفادي في القسم معموله محضر
وانا في بيتنا ايدي علي خدي ومش عارفه مين فينا غلطان
انا ولا فادي ولا ريمون


عزيزي القارئ كتبت هذه القصة لأننا للأسف مش بنحس بقيمة الحاجه اللي في ايدينا غير لما تضيع مننا وللأسف الشديد احنا اللي بنضيعها ... وكمان غلط نخرج من علاقة وندخل علاقة تانيه لمجرد حاسين بفراغ عاطفي لأننا كده هنظلم نفسنا وهنظلم كمان اللي خدناه وسيلة لمرور هذا الفراغ بسلام ..

لكن ارجع واقول ياتري مين اللي غلطان بالأكتر في التلاته دول
البنت - ريمون - فادي
منتظر اجابتكم

مين غلطان فينا لـ مايكل سامي

منقووووووول
الرجوع الى أعلى الصفحة اذهب الى الأسفل
 
مين غلطان فينا لـ مايكل سامي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العالم افقر من ان يعطينا :: المنتدى الاجتماعى :: قسم شباب وبنات-
انتقل الى: