كان فى مبشر من بريطانيا
راح يبشر بالمسيح فى الهند لكن المشكلة إنه ماكنش عارف يتكلم بلغة الهند فقال خلاص طالما أنا مش عارف أتكلم بلغتهم انا أحاول أعيش وسطهم وأخدمهم وأكون مثال للسيد المسيح .. وفعلا عاش وسطهم وكانوا بيحبوه جدا وكان متواصل معاهم بالرغم إنه مش بيتكلم اللغة بتاعتهم ... كان بيخدمهم ويداويهم فى مرضهم ويقف جنبهم فى وقت شدتهم فعلا كان يجول يصنع خير .. عاش على كدة لحد ما مات ... بعديها بفترة جه مجموعة من المبشرين يبشروا بالسيد المسيح لكن دول بقى مع تطور العصر كانوا عارفين يتكلموا بلغتهم المهم بدأ المبشرين يتكلموا عن السيد المسيح وإزاى كان إنسان رقيق وطيب وكان بيصنع خير وأد إيه كان بيحترم الناس ومش بيفرق بين حد والتانى ........... لحد ما الناس قالولهم بسسسسسسسسسس المسيح دة اللى انتوا بتتكلموا عليه كان عايش معانا وكان عايش وسطينا وكنا بنحبه أوى وزعلنا أوى على موته تعالوا نوريكم المكان اللى دفناه فيه ..... طبعا كان كلامهم على الراجل المبشر .... عرف المبشرين ان الناس كانوا يقصدوا المبشر اللى سابقهم .... طبعا عرفوا واتعلموا من الدرس أد ايه قدر الراجل دة إنه يبشر بالسيد المسيح وإنه يكون صورة ليه لدرجة ان الناس ربطوا شخصية السيد المسيح بشخصية الراجل المبشر ...
فعلا
إِذًا نَسْعَى كَسُفَرَاءَ عَنِ الْمَسِيحِ، كَأَنَّ اللهَ يَعِظُ بِنَا
(2كو 20:5 )
منقول